SAMSTEYPAN 2019-2020

Tveggja anna nám í 7 lotum

  • Helgar
  • 6.sept
  • 10-14

Námið er sniðið fyrir alla þá sem vilja setja stefnuna á að þróa sig áfram sem tónlistarmenn og vilja opna fyrir listasköpun sína á sviði tónlistar og ná betur utan um allt sem fylgir því að starfa á þessum vettvangi.

Hvað er Samsteypan?

  • 2ja anna nám sem er kennt í 7 helgarlotum frá september og fram í lok apríl.
  • Framhaldsnám fyrir þá sem hafa klárað grunn og/eða framhaldsnámskeið hjá Söngsteypunni, 1 árs nám hjá CVI í Danmörku eða sambærilegt nám hérlendis eða erlendis. 
  • Fyrir þá sem vilja taka næsta skref og fara að vinna að eigin tónlist/textasmíð.
  • Fyrir þá sem hafa ákveðið að leggja tónlist fyrir sig og vilja þróa og móta sjálfa sig sem tónlistarmenn í öruggu og jákvæðu umhverfi.
  • Kennsla og handleiðsla frá CVT kennurum, þekktum laga- og textahöfundum, CVI kennara í túlkun og tjáningu, þekktum kennara í framkomu á sviði, markmiðasetning, markaðssetning, samfélagsmiðlar og að vera sinn eigin umbi og hvernig maður getur útbúið heimastúdíó.

Námið

Þetta nám er opið öllum þeim sem hafa lokið grunn- og framhaldsnámi í CVT eða sambærilegu námi hérlendis eða erlendis, jafnt rytmískum sem og klassískum söngvurum, leikurum og öðrum þeim er vilja vinna í tónlist.

Í þessu námi er markmiðið að steypa saman söngvaranum, texta og lagahöfundinum, skemmtikraftinum og persónunni saman í eina eðal heild. Meginmarkmið námsins er að söngvarinn nái persónulegum árangri, kynnist tónsmíðum, vinni markvist í því að byggja undir sjálfstraustið og tónlistarsköpun með hnitmiðaðri vinnu & nái enn betri stjórn á röddinni sem hljóðfæri.

Kennt verður hópum og unnið er í andrúmslofti sem einkennist af trausti og hreinskilni. Þátttakendur munu í sameiningu öðlast ítarlega þekkingu og reynslu og draga fram listræna styrkleika og veikleika hvers og eins. Þetta krefjandi og árangursríka nám gerir einstaklingnum kleift að nýta sér kunnáttu sína strax að því loknu og hefja vegferð sína inn á tónlistarmarkaðinn.

Markmið

  • Bjóða upp á nám fyrir tónlistarfólk sem er óháð námsskrá, prófum, stigum, tónfræði og staðlaðri kennslu.
  • Steypa saman söngvaranum, texta- og lagahöfundinum, skemmtikraftinum og persónunni í eina góða heild.
  • Setja fókus á hvern og einn einstakling og vinna í persónulegum markmiðum.
  • Að tónlistarmenn geti komið inn á eigin forsendum og fengið aðstoð í jákvæðu og uppbyggilegu umhverfi.
  • Að veita nemendum öruggt umhverfi til að vinna að eigin tónlist og móta sig sem tónlistarmenn.
  • Að þátttakendur hafi í lok námsins öðlast skýrari sýn á hverjir þeir eru sem listamenn, hvert þeir vilja stefna og hafi tól og tæki til að koma sér á framfæri.
  • Veita innblástur, handleiðslu og stuðning.

Kennarar:

Kennarar eru viðurkenndir Complete Vocal Technique kennarar frá Complete Vocal Institute í Kaupmannahöfn með margra ára reynslu sem söngvarar og raddþjálfarar. Aðrir kennarar verða meðal annars þekktir texta- og lagahöfundar, erlendur kennari frá CVI í Kaupmannahöfn sem sérhæfir sig í túlkun og tjáningu, reyndur erlendur sviðslistamaður sem leiðbeinir í framkomu á sviði, kvíðasálfræðingur, fagaðilar í markaðssetningu og samfélagsmiðlum ofl.

  • Lagasmíðar og útsetningar – Pálmi Sigurhjartar, lagahöfundur og píanóleikari.
  • Textasmíðar – Birgir Örn Steinarsson eða Biggi í Maus eins við þekkjum hann. Túlkun & tjáning – Ole Rasmus Möller, Danmörku – Leikari og CVT kennari hjá
  • CVI í Kaupmannahöfn.
  • Framkoma á sviði “Ég er nóg” – Jonathan Duffy, Ástralíu – Leikari og uppistandari.
  • Markaðssetning og umboðsmaðurinn – Valgeir Magnússon sem kenndur er við Sport – umboðsmaður og eigandi PIPAR auglýsingastofu.
  • Hinn stóri tónlistarheimur og hvenær er ég tilbúin? – Dominic Hammond & Michael Hill frá Bretlandi – Dom er tónlistarmaður sem vinnur við það að koma listamönnum á framfæri í Bretlandi og á og rekur fyrirtæki sem sérhæfir sig í allri vinnu því tengdri. Michael er CVT raddþjálfari, söngvari og fjölmiðlamaður hjá BBC. Hann er einn sá mesti raddperri sem sögur fara af og það finnst okkur ekki leiðinlegt – Michael kennir okkur að gera „pitch“ fyrir erlenda miðla.

Frammistöðukvíðinn, sviðskrekkurinn og fullkomunaráráttan Steinunn Anna Sigurjónsdóttir sálfræðingur og eigandi „Litla Kvíðameðferðarstöðin“.

Markmiðasetning, verkefni og skipulag
Hera Björk, söngkona & CVT kennari

Söngur með Píanista
Rósa Björg, Hera Björk, Ole Rasmus & Michael Hill CVT kennarar.

Upptaka & vinna í hljóðveri
Þátttakendur fara í stúdíó, taka upp sitt lag og fylgjast með hvernig sú vinna fer fram. Að námi loknu fá þátttakendur upptökuna í hendur. Upptökustjóri er Vignir Snær kenndur við Írafár, lagahöfundur & tónlistarmaður.

Vísindaferðir 
Förum og kynnum okkur starfsemi fyrirtækja sem starfa í tónlistarbransanum og heimsækjum m.a. STEF & AldaMusic.

Gestafyrirlesarar 
Við fáum til okkar tónlistarmenn og konur sem hafa getir sér góðs orðs sem laga-& texta höfundar og flytjendur. Þau muni deila með okkur sinni reynslu og segja frá sinni upplifun af bransanum. 
Gestafyrirlesarar verða:

  • Emilíana Torrini , tónlistar- & töfrakona
  • Ragnhildur Gísladóttir hin eina sanna
  • Jónas Sig kenndur við Ritvélar framtíðarinnar, laga- og textahöfundur & alhliða snillingur.

Lokatónleikar 
Í lokin verður fagnað með útskriftartónleikum og almennum gleðskap þar sem þátttakendur stíga á stokk og flytja sín lög og/eða annarra.

Undirleikur
Undirleikari verður til staðar í öllum “Söngur/Vinna með Píanista” tímum. Undirleikarar verða Pálmi Sigurhjartar, Ástvaldur Traustason og Helgi Reynir Jónsson.

Upphaf náms
Föstudagur 6. september 2019 – kennt í 7 helgarlotum frá september 2018 til apríl 2019. Kennsla fer fram 17-21 á föstudegi.

Fjöldi Þátttakenda:

10 – 14 í hverjum hóp

Verð & greiðslutilhögun
Námið kostar 389.000 kr.

Við bókun greiðist kr.55.000 í staðfestingargjald sem er óendurkræft.
Semja þarf um greiðslur á eftirstöðvum áður en námið hefst!
Hægt að skipta í allt að 10 greiðslur.
Við hvetjum alla til að athuga með styrkveitingar hjá verkalýðs- og starfsmannafélögum.

*Allar ítarlegri upplýsingar veita Rósa Björg í s. 649-0104 / Aldís Fjóla í s. 699-4463 eða með því að senda póst á: info@songsteypan.is

SKRÁNING Á NÁMSKEIÐ