Hvað er Artist development?

• 2ja anna nám sem er kennt í 7 helgarlotum frá september 2022 til apríl 2023.
• Fyrir þá sem vilja taka næsta skref og fara að vinna að eigin laga- og textasmíðum.
• Fyrir þá sem hafa ákveðið að leggja tónlist fyrir sig og vilja þróa og móta sjálfa sig sem tónlistarmenn í öruggu og jákvæðu umhverfi.
• Kennsla og handleiðsla frá CVT kennurum, þekktum laga- og textahöfundum, fagfólki í tónlistarbransanum, fræðsla um hvernig á að setja upp heimastúdíó, hvernig markaðset ég mig sem afurð hérlendis og erlendis, hvernig skrái ég lagið mitt, Spotify playlistar, styrkjaumsóknir, vísindaferðir, heimsóknir frá þekktu tónlistarfólki, viðburðarstjórnun o.sv.frv.

Námið

Þetta nám er opið öllum þeim sem vilja þróa sig áfram sem tónlistarfólk, jafnt rytmískum sem og klassískum söngvurum, leikurum og öðrum þeim sem vilja vinna í tónlist.

Í þessu námi er markmiðið að virkja sköpunarkraftinn, laga- og textasmiðinn, skipuleggjandann, söngvarann og persónuna saman í einn og sama tónlistarmanninn.  Meginmarkmið námsins er að tónlistarfólk nái persónulegum árangri, kynnist tónsmíðum, markaðssetningu hérlendis og erlendis, stúdíóvinnu, styrkumsóknum, vinni markvisst í því að byggja upp sjálfstraust og tónlistarsköpun með hnitmiðaðri vinnu & nái enn betri stjórn á röddinni sem hljóðfæri.

Kennt verður hópum og unnið er í andrúmslofti sem einkennist af trausti og hreinskilni. Þátttakendur munu í sameiningu öðlast ítarlega þekkingu og reynslu og draga fram listræna styrkleika og veikleika hvers og eins. Þetta krefjandi og árangursríka nám gerir einstaklingnum kleift að nýta sér kunnáttu sína strax að því loknu og hefja vegferð sína inn á tónlistarmarkaðinn.

Markmið

• Bjóða upp á nám fyrir tónlistarfólk sem er óháð námsskrá, prófum, stigum, tónfræði og staðlaðri kennslu.
• Setja fókus á hvern og einn einstakling og vinna í persónulegum markmiðum.
• Að tónlistarmenn geti komið inn á eigin forsendum og fengið aðstoð í jákvæðu og uppbyggilegu umhverfi.
• Að veita nemendum öruggt umhverfi til að vinna að eigin tónlist og móta sig sem tónlistarmenn.
• Að þátttakendur hafi í lok námsins öðlast skýrari sýn á hverjir þeir eru sem listamenn, hvert þeir vilja stefna og hafi tól og tæki til að koma sér á framfæri.
• Veita innblástur, handleiðslu og stuðning.

Kennarar:

Kennarar eru viðurkenndir Complete Vocal Technique kennarar frá Complete Vocal Institute í Kaupmannahöfn með margra ára reynslu sem söngvarar og raddþjálfarar. Aðrir kennarar eru meðal annars þekktir texta-og lagahöfundar, tónlistarbransaráðgjafar, upptökustjórar, hljóðfólk, sálfræðingar og annað fagfólk sem tengist inn í tónlist.

• Laga- og textasmíðar – Hildur Kristín Stefánsdóttir, tónlistarkona
• Lagasmíðar og útsetningar – Vignir Snær Vigfússon, tónlistarmaður og upptökustjóri.
• Hvar byrja ég? Hvernig á að gefa út lag og plötu
• Túlkun & tjáning – Hvernig túlka ég lag og hvernig kem ég fram?
• Markaðssetning á tónlistarmanninum mér, hérlendis og erlendis. – Anna Jóna Dungal, tónlistarbransaráðgjafi.
• Viðburðarstjórnun – Aldís Fjóla, tónlistarkona og skipuleggjandi
• Hvernig sæki ég um styrki fyrir tónlistina mína?
• Hvert vil ég stefna með mína tónlist?
• Hvernig kemst ég inn á Spotify playlista?
• Míkrafóntækni og hvernig á að tala við hljóðfólk.
• Frammistöðukvíðinn, sviðskrekkurinn og fullkomnunaráráttan
• Markmiðasetning, verkefni og skipulag.
• Masterclass með píanista og CVT kennara.
• Hvað er EPK, hvernig á að búa það til og hvert á að senda það?

Upptaka & vinna í hljóðveri

Þátttakendur fara í stúdíó með fjögurra manna hljómsveit, taka upp demó af sínu lagi og fylgjast með hvernig sú vinna fer fram. Að námi loknu fá þátttakendur upptökuna í hendur. Upptökustjóri er Vignir Snær, lagahöfundur & tónlistarmaður.

Vísindaferðir

Förum og kynnum okkur starfsemi fyrirtækja sem starfa í tónlistarbransanum og heimsækjum m.a. STEF og Rás 2.

Gestafyrirlesarar

Við fáum til okkar tónlistarfólk sem hafa getir sér góðs orðs sem laga- og textahöfundar og flytjendur. Þau muni deila með okkur sinni reynslu og segja frá sinni upplifun af bransanum.

Lokatónleikar

Í lokin verður fagnað með útskriftartónleikum og almennum gleðskap þar sem þátttakendur stíga á stokk og flytja sín lög í bland við tökulög.

Undirleikur

Undirleikari verður til staðar í flestum Masterclass tímum og í öðrum verður rafrænt undirspil.

Upphaf náms: 16.september 2022

Dagsetningar

Kennt helgarnar:

• 16.-18.september
• 21.- 23.október
• 25.-27.nóvember
• 20. – 22.janúar (Bústaðarhelgi – öll helgin)
• 17.-19.febrúar
• 17.-19.mars
• 21.-23.apríl

Kennt er föstudaga klukkan 17 – 21 og laugardaga og sunnudaga frá 11:00 – 17:00.

Fjöldi Þátttakenda:

10 – 12 í hverjum hóp

Verð & greiðslutilhögun

Námið kostar 450.000 kr.

Við bókun greiðist kr.55.000 í staðfestingargjald sem er óendurkræft.

Semja þarf um greiðslur á eftirstöðvum áður en námið hefst!

Hægt að skipta í allt að 12 greiðslur sé það valið í greiðsluferli.

Við hvetjum alla til að athuga með styrkveitingar hjá verkalýðs- og starfsmannafélögum. Athugið að ekki er hægt að fá kvittun fyrir námskeiðinu fyrr en það er fullgreitt.

*Allar ítarlegri upplýsingar veitir Aldís Fjóla í s. 699-4463 eða með því að senda póst á: aldis@songsteypan.is

SKRÁNING Á NÁMSKEIÐ