¨¨Líkaðu við okkur

¨¨Fylgstu með facebook fréttum

¨¨Sendu okkur skilaboð

¨¨Fylgstu með viðburðum

Besta ákvörðun sem ég hef tekið! Hafði átt við vandamál að stríða með röddina mína í mjög langan tíma þegar ég skráði mig á grunnnámskeið CVS en þar fékk ég lausn allra mína mála og heldur lærdómurinn áfram þó námskeiðið sé búið. Þessa tækni er hægt að nota til að læra að syngja hvað sem er og er hún svakalega mikill eye opener fyrir söngelska einstaklinga! Mæli 100% með að læra hjá Heru og hennar snillingum en hér erum við að tala um hjartahlýja fagmenn sem aðstoða hvern og einn í átt að sínum markmiðum!

Já, hvar skal byrja... Ekki bara voru þetta skemmtulegustu vikur sem ég haf átt í langan tíma, heldur opnuðu Hera og Rósa fyrir mér nýjan heim, heim þar sem ég var frjáls til þess að vera ég! Að vera fullkomlega ófullkomin er svo frelsandi og ég þakka þeim með öllu mínu hjarta fyrir að koma mér á þann stað! Ef ég gæti myndi ég gera þetta allt aftur og hvet alla til þess að skella sér á námskeið, taka skrefið og láta vaða, það er svo gott hérna hinumegin <3

Ég mæli 100% með þessum skóla. Þarna er að finna frábæra kennara sem leggja mikið á sig við að hjálpa og hvetja nemendur áfram. Í skólanum er gott andrúmsloft og mjög mikið fjör þegar á námskeiðum stendur. Ég hef kynnst frabæru fólki þarna og á þessum skóla og kennurum hans mikið að þakka <3

Hera Björk kallaði eftirfarandi orð „fyrsta goosara vetrarins“: Music is what feelings sound like Segja má að þessi orð hafi verið þungamiðja reynslunnar minnar hjá Söngsteypunni. Ég kom til að læra að syngja rétt eftir að hafa átt í miklum erfiðleikum með röddina mína í gegnum tíðina en endaði á að læra allt annað en að syngja rétt ... það varð frekar svona hjáverk með öllum hinum ómetanlegu stundunum með Heru,Rósu, Bigga, Pálma og hinum kennurunum okkar. Tjáning, túlkun, framkoma, semja texta og lög, læra að vera óhrædd við „prósessinn“, miðla til okkar lærdómsferlinum hjá öðrum sem eru muuun lengra komin og gefa okkur tækifæri til að spegla okkur í því, gefa álit, fá álit, hlægja af misförum sínum, gráta af stolti yfir árangri okkar og skemmta sér og öðrum – það var innihaldið í kennslunni hjá þeim! Þau miðluðu því til okkar með hvatningu, stuðningi, heiðarleika og óhagganlegri trú á getu okkar til að gera það sem við sjálf höfðum takmarkaða trú á. Þar sem þau síðan stoppuðu tóku hópafélagarnir við ... þessi samsetning af frábærum kennurum, dásamlegum nemendum úr öllum áttum og umgjörð gerði þennan vetur einn eftirminnilegasta í mínu lífi og ég er betri á alla vegu! Takk fyrir mig!